မကွေး နှင့်ချင်း အစပ်ရှိဘုံးဇုံရဲစခန်းကို ချင်းတော်လှန်ရေးတပ်များ

မကွေး နှင့်ချင်း  အစပ်ရှိဘုံးဇုံရဲစခန်းကို ချင်းတော်လှန်ရေးတပ်များ တိုက်ခိုက်သိမ်းပိုက်

▪︎ဗိုလ်ကြီးတစ်ဦးဖမ်းမိပြီးစစ်သားများထွက်​ပြေး၍လိုက်ဖမ်း ၊လက်နက်ခဲယမ်းများရရှိ

▪︎ဘုံးဇုံစခန်းသိမ်းလိုက်၍ဟားခါး-ဂန့်ဂေါလမ်းတလျောက်တွင် စစ်ကောင်စီတပ်စခန်းမကျန်​တော့​

စောနွေဦး/People's Spring 

မကွေးတိုင်း၊ဂန့်ဂေါမြို့နယ်နှင့် ချင်းပြည်နယ်အစပ်၊ ဘုံးဇုံရွာတွင်ရှိသည် စစ်ကောင်စီရဲစခန်းကို ယနေ့မနက်ပိုင်းကချင်းတော်လှန်ရေးတပ်များက တိုက်ခိုက်သိမ်းပိုက်လိုက်ကြောင်း ချင်းကာကွယ်ရေးတပ်များထံမှသိရသည်။ 

အဆိုပါရဲစခန်းကို ယနေ့ မနက်ပိုင်းတွင် ချင်းတော်လှန်ရေးတပ်များက စတင်တိုက်ခိုက်ခဲ့ပြီး နေ့လယ် ၁၂ နာရီခန့်တွင် စစ်ကောင်စီရဲစခန်းကို သိမ်းပိုက်နိုင်ခဲ့ခြင်းဖြစ်သည်။

“တိုက်ပွဲထဲမှ စစ်ကောင်စီတပ်သားတွေထွက်ပြေးနေကြလို့ လိုက်ဖမ်းနေတယ်”ဟု တော်လှန်ရေးတပ်ဖွဲ့တစ်ဦးက People's Spring သို့ပြောသည်။ 

စစ်ကောင်စီတပ်မှ ဗိုလ်ကြီးတစ်ဦးကိုဖမ်းမိထားပြီးလက်နက်ခဲယမ်းများလည်း သိမ်းဆည်းရမိကြောင်းလည်း ၎င်းကဆက်​ပြောသည်။ 

တိုက်ပွဲအတွင်း စစ်ကောင်စီတပ်က လေကြောင်းမှ လေးကြိမ်တိုက်ခဲ့သည်ဟုလည်း ဒေသခံများကပြောသည်။

ထိုတိုက်ပွဲအတွင်း CDF-ဟားခါးမှရဲဘော်နှစ်ဦးကျဆုံးခဲ့ကြောင်းလည်း ချင်းကာကွယ်ရေးတပ်များထံမှသိရသည်။ 

ထိုတိုက်ပွဲကို ချင်းအမျိုးသားတပ်မတော်(CNA)၊ CDF-ဟားခါးစသည့် ချင်းတော်လှန်ရေးတပ်များက ပူး​ပေါင်းတိုက်ခိုက်သိမ်းပိုက်ခဲ့ခြင်းဖြစ်သည်။ 

ဘုံးဇုံရဲစခန်းသည် ဂန့်ဂေါမြို့နှင့်ဟားခါးမြို့တိုကို့ ဆက်သွယ်ထားသည့် လမ်းမကြီးပေါ်တွင် တည်ရှိသည်။ ထိုရဲစခန်းကို ချင်းတော်လှန်ရေးတပ်များ သိမ်းပိုက်ပြီးနောက် ဟားခါး-

ဂန့်ဂေါလမ်းမကြီးတလျောက်တွင် စစ်ကောင်စီတပ်စခန်း မကျန်​တော့​ကြောင်း​ ​ချင်း​တော်လှန်​ရေးတပ်များထံမှ သိရသည်။

(ဘုံးဇုံးစခန်းတည်​နေရာ​မြေပုံ ၊ ဘုံးဇုံ ရွာ နှင့် ချင်း​တော်လှန်​ရေးတပ်ဖွဲ့ဝင်များ ။ ဓါတ်ပုံ-CDF-ဟားခါး၊The Chin Net)